- معظم العاملين في مجال ال Digital Marketing لازم يكونوا سمعوا عن المصطلح ده قبل كدا ، و لو انت مهتم بال Marketing بشكل عام لازم تعرف أكثر عن ال Inbound Marketing لإن خطواته و استراتيجياته ممكن تطبق خارج سياق الديجيتال ماركتنج كمان .
- نأخذ الموضوع من البداية خالص كالعادة ، ال Inbound Marketing كمصطلح و استراتيجية ظهر سنة 2009 من ابتكار 2 من المتخصصين و الباحثين في مجال الديجيتال ماركتنج و هما Dharmesh Shah و Brian Halligan و حطوا أساسيات الاستراتيجية دي و شرحوها في كتاب اسمه :
Inbound Marketing : Get Found Using Google , Social Media , and Blogs
- و هما كمان مؤسسي شركة Hubspot أحد أشهر الشركات اللي بتقدم Digital Marketing Tools & Software من سنة 2006 .
- طيب يعني ايه Inbound Marketing ؟
كلمة Inbound مرادفة لكلمة Incoming و بالعربي ترجمتها ” واردة ” و مجمل معنى المصطلح انه التسويق من خلال انك تجذب العميل و تخليه هو اللي يجيلك بنفسه ، يعني ايه الكلام دا طيب ؟!
يعني التسويق بالاستراتيجية دي يعتمد على استخدام طرق مميزة لجذب العميل و التواصل و الحوار معه بحيث هو اللي يطلب التعامل معاك بسبب ثقته فيك و دا عكس طرق التسويق التقليدية اللي بتعتمد أحيانا على الإلحاح على العميل بهدف إقناعه للشراء من غير أي تواصل أو حوار بناء معاه ، يعني بنعتمد أكتر على ال Pull Strategy مش ال Push Strategy .
- طيب ازاي هجذب العميل من الأساس و اتواصل معاه عشان هو اللي يطلب التعامل أو الشراء ؟!
- طبعاً الطرق المستخدمة زي ما هو واضح من عنوان الكتاب مقصود بيها استخدام وسائل التواصل الاجتماعي و المدونات و تهيئة موقعك لمحركات البحث ، بمعنى تكون متواجد online في كل مكان ممكن يبحث فيه العميل و في كل قنوات الديجيتال ماركتنج ، بس موجود و خلاص كدا ، لأ طبعا لازم تكون موجود بمحتوى قوي و جاذب و محفز للتفاعل و التواصل و عشان كدة ال Inbound Marketing مرتبط بشكل أساسي بال Content Strategy و ظهر مصطلح اسمه Content Marketing أو التسويق بالمحتوى ، و هو يعتبر الجزء الأهم و الأساسي في أي Inbound Marketing Strategy.
- يعني كمثال سريع كدا يوضح الفكرة العامة قبل ما ندخل في تفاصيل أكتر ، لو انت بتسوق ل Brand معين سواء بمنتج أو لخدمة او لشركة ، صيدلية ، عيادة أو لصاحب عمل حر مهندس ديكور ، دكتور ، محامي .. الخ
- حاليا دراسات كثير بتؤكد إن على الأقل 60% من العملاء بيعملوا بحث أونلاين قبل ما يتخذوا قرار الشراء ، طيب هيعملوا بحث فين ؟ غالبا على جوجل و على السوشيال ميديا ، يبقى أنا لازم أظهر ليهم في نتائج البحث و أكون متواجد في منصات السوشيال ميديا المختلفة ، طيب العميل لما هيلاقيني هشد انتباهه ازاي بقى ؟!
- أكيد بالمحتوى بتاعي ، يعني ما ينفعش يلاقي كل الContent عبارة عن عرض للمنتجات و الخدمات بهدف البيع فقط ، لازم يكون في محتوى غير بيعي مفيد للزائر حتى لو مش هيشتري دلوقتي ، بعض النصائح و الارشادات و حلول للمشاكل اللي بيقابلها مثلا ، أحدث الأخبار في المجال ،كتيبات و ارشادات مجانيه ، أراء واقعية من عملاء سابقين ، محتوى مُسلي و جاذب ، كل مجال بيكون ليه Content Mix مناسب لطبيعته .
- الInbound بيهتم كمان بمرحلة ما بعد البيع ، يعني خلاص بعد ما جذبت العميل و تواصلت معاه و اقتنع و اشترى ، ازاي أفضل على تواصل معاه عشان يوصل لمرحلة السعادة و ال Delighting .
- يعني كملخص لل Inbound هو طريقة أفضل للبيع و طريقة أفضل للتسويق و طريقة أفضل لخدمة العميل ، و ما هو جيد للعميل بالتأكيد هيكون جيد لل Business بشكل عام و هيؤدي لنموه و تطوره على المدى البعيد .
